Wendekaranê cinîyan ê Zanîngehê Munzurî waşt ke serekê Daîreyê Zanakirarîye Cem Tekînogluyo ke  derheqê ey de îdîayê vera wendekaranê cinîyan tacîz û gefî estî, wezîfe ra bêro girewtene û seba ke Tekînoglu hema zî wezîfeyê xo dewam keno çalakîya protestoyî kerde.

Zaf wendekarê cinîyî tewrê çalakîya protestoyî bîy ke hetê Cinîya Azade ya Ciwane, Cinîyanê Demokratanê Ciwanan, Komeleya Wendekaran ê Azadan ê Munzurî ra ameye serûberkerdene.

Çalakîye de wendekaranê cinîyan pankartê 'Ma miqatê çewî nîyê', 'Tacîz peygoş nêbeno' kiriştî û sloganê 'Cinîye, Cuye, Azadîye' vat.

Wendekaran ra Dîlare Aras pare kerd ke: "Sey cinîyan ma tim şîdet vînenê û rastê tacîz û tecawuzan yenê. Heyf ke şîdet, tacîz û tecawuzî akademîye de zî bîy zêdêr." 

 "Cem Tekînoglu hema zî wezîfeyê xo dewam keno û na seba ma cinîyan rewşêka biqesawete ya. Ma wazenê ke Cem Tekînoglu cade wezîfe ra bêro girewtene. Hayîya ma pê şîdet û tacîzê zanîngehan esta û ma do firsend nêdê naye. Destê xo medê zanîngeh û waranê cuya ma ra.  Ma bi paştdayîşê cinîyan heqê zîhnîyetê camêrdan ra bêrê."