Sîyasetmedarê Başûrê Kurdîstanî Fayîq Gulpîyî derheqê hêrişanê dewleta tirke yê vera Başûrî, hemkarîya PDKyî ya bi dewleta tirke û dîyalogê neteweyî de ANFyî rê qisey kerd.

Fayîq Gulpîyî bale ante pozîsyonê Tirkîya yê Başûrî ser û vat: ''Tirkîya sey dewletêka faşîste tim hêriş kena. Hulusî Akar ame tîya ke seba operasyonanê vera PKKyî hukmatî ra hetkarîye biwazo. Erdogan û Tirkîya vera pêro kurdan ê. Teqayîşê Bexdadî zî zîyaretê Akarî ra dima ca qewimîya. Çunke Iraqî cewabêko weş nêda waştişanê Tirkîya.''

Gulpîyî eşkera kerd ke Başûrê Kurdîstanî de nêrazîbîyayîşê vera PDKyî zêdîyenê û vat: ''Polîtîkayanê PDKyî ra rewşa herême xirab a. Pêro selahîyetdarê Başûrî PDKyî ra yê. Şar vera bêusûlîye payan ser o wurzeno. PDK zaneno ke şerê vera PKKyî do bibo peynîya ey zî. Ganî ma sey pêro kurdanê Kurdîstan û teberî vera Tirkîya vinderê û yewîya xo bîyarê ca.''

Gulpîyî peynîya qiseykerdişê xo de yewîya neteweyî ya kurdan ser o vindert û vat: ''Meseleya ma ya tewr pîl a ke ma yewîya xo nêarde ca. Kurdan seba yewîya xo karê dîplomasî nêkerdî. Eke ma wazenê peymana Sykes Picot ya 2023î  ke Tirkîya pê gefan wanena zerar nêda Mûsil, Kerûk, Heleb ganî ma yewîya xo bihêzêr bikerê. Wezîfeyo tewr girîng ê 2023î caardişê yewîya neteweyî yo.''