Merkezê Îrtîbatî û Çapemenîye yê HPGyî derheqê çalakîyanê gerîlayan û hêrşanê îşxalî yê dewleta tirke de zanayîş da.

Eşkerayîye de nê ameyî vatene:

''Dewleta tirke ya îşxalkere wextêk o mabênê qilanê Şehîd Şahanî û Şehîde Axine yê herêma Xakurkê de semedê îşxalî rayîr virazena. Çarçewa Hemleya Şorişgêre ya Bazanê Zagorosî de 26ê temmuze de nê îşxalkerî hetê hêzanê ma ra gerîyayî binê kontrolî û veraşan  di hetan ravameyî pirodayene. Çalakîya koordînekerdîye de  di mewzîyî ameyî îmhakerdene, tewr tay 3 îşxalkerî ameyî cezakerdene û cenazeyan ser ra yew çeka BKCyî ameye wedaritene.  Badê çalakîye roja bîne herême de operasyon dîya destpêkerdene.  Saetanê nêmroje de hêzanê ma mesafeyo nêzdî ra da îşxalkeran ro. Çalakîye de tewr tay 2 îşxalkerî ameyî kiştene. Îşxalkeran pê helîkopteran merdeyê xo zî girewtî peyser agêrayî.

Çalakîya ke artêşa tirke derbeyê pîlî werdî de hemrayê ma fermandar Çekdar Giravî bi hewayêkê giranî birîndar bi û rixmê heme mudaxaleyan tewrê kerwanê şehîdan bi. Nasnameyê embazê Çekdarî  yo ke şehîd kewt, wina yo:

Nameyê Qodî: Çekdar Giravî Name û Peyname: Sezer Emre Cayê Bîyayîşî: Colemêrg Maye-Pî: Besna - Bîşar Tarîx û Cayê Şehadetî: 27ê Temmuza 2021î / Xakurkê

Hemrayê ma Çekdar keyeyêko welatperwer ê Colemêrgî de ameyo dinya û têkoşînê azadîye hema domanîya xo de nas  kerd. Hemrayê ma Çekdarî ke sîyasetê înkar û îmhayî dewleta tirke rê nêzdî ra şahîdîye kerde 2013 de verê xo da koyanê azadan. Roja tewrbîyayîşê ra heta şehdatê xo vera dişmenî yew hele zî teredut nêkerd û bi tewirê fedayîkî şi dişmenî ser. Wextêk cayê fermandarê ma yê bêmergî Şehîd Kasim Engînî de mend û zanayîş û vindertişê ey ra tecrubeyo pîl peyser kerd. Çalakîya Xakurkê de rolê xo yê serkêşîye yê fermdanîye heta hela peyêne bi serkewtişî ard ca û Têkoşînê Azadîye de sey fermandarêkê bêmergî cayê xo girewt.

Bombardumanî

Dewleta tirke ya îşxalkere Herêmê Pawitişî yê Medya bombarduman kerdî. Detayî hêrişan wina yê: 27ê temmuze de warê Girê Şehîd Şahan, Girê Şehîd Kamûran û Girê Şehîd Heqî  û Dola Şehîd Şahanî pê çekanê giranan ameyî bombardumankerdene. Reyna Girê Şehîd Heqî û Girê Şehîdan zî pê teyarayanê şerî ameyî bombardumankerdene.   28ê temmuze de waranê Şehîd Şahan û Şehîde Axine de operasyon dîya destpêkerdene û saetanê şanî de destveng peyser ame antene.  Eynî roje  herêma Avaşînî de tunelê şerî yê warê Werxelê pê madeyê teqayîşî ameyî teqnayene. Metîna de zî  xeta Qaşûra de têgêrayîşê helîkopteran qewimîya û dormeyê dewanê Derarê û Hirorê yê Kanî Masî ya Amedîye ameyî bombardumankerdene.Nê  hêrişê ke ameyî kerdene de vînîbîyayeyê ma çîn ê.''