Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de zanayîş da.

Eşkerayî de nê ameyî parekerdene:

''Çarçeweya Hemleya Şorişgêre ya Şehîd Bagerî û Şehîde Ronya de hêzanê ma 17ê temmuze de vera leşkeranê ke qilanê Şehîde Axîne û Şehîde Bêratîne de yê Xakurkê de ameyî cakerdene çalakîye kerde.  Çalakîya bitesîre de 1 mewzî û 1 kameraya mobeseyî ameyî îmhakerdene û 3 leşkerê dişmenî ameyî cezakerdene.

Herêma Cûdîyî ya Şirenxî de 13ê temmuze de mabênê hêzanê ma û artêşa tirke de pêkewtişî qewimîyayî. Pêkewtişê ke warê Gelîya Hesena de qewimîyayî de leşkerêk ame cezakerdene û xeylêk leşkerî zî birîndar bîyî. Nê pêkewtişan de embazê ma Alîşêr Hebûno ke heta guleyê xo yê peyêne bi hawayêke qehremankî vera yewîyanê dişmenî şer kerd, tewrê kerwanê şehîdan bi.

Zanayîşê nasnameyê embazê ma yê şehîdî wina yê:

Nameyê Qodî: Alîşêr Hebûn Name û Peyname: Osman Durmuş Cayê Bîyayîşî: Şirnex Maye-Pî: Meryeme – Ali Tarîx û Cayê Şehadetî: 13 Temmuza 2020î / Cûdî

Embazê ma Alîşêro ke 1997 de qezaya Silopî ya Şirnexî de keyeyêko welatperwerî de ame dinya vera polîtîkaya qirkerdişî ya vera kurdan 2014 de verê xo da koyanê azadan ê Kurdîstanî. Hemrayê ma Alîşêro ke roja tewrbîyayîşî ra heta hela peyêne xeta şehîdanê de erjê xo pawitî û semedê şar û erdê xo kede daye nameyê xo mîyanê qehremananê bêmergan ê Koyê Cûdîyî de nuşt.

18ê temmuze de teyarayanê şerî yê tirkî  warê Kurojaro û Karkerî yê Zapî ser o bombayî varnayî. Nê hêrişan de vînîbîyayeyê ma çîn ê.''