Ê ci ruhê Bêrîtane yo. Ruhêko winasên o ke hîsê wextî waneno û wayîrê ci vejîyeno. Kendalêk de tewir û sloganêk. Ruhêko ke Heftanîn de game bi game gêreno, her tim beno newe. Ruhêko winasên o ke camêrd û cinîtîye ra wetêr o. Ge ge Dêrsim de, ge ge Xakurkê de, ge ge 38 de, ge ge 92 de...

Û nika Heftanîn de...2020 de...

Rûstem Cûdî pê vengdayîşê dadîya Silêman Mehmûd serra 1996î de Serêkanîyê de dadîya xo ra bîye. Dadîya ci musnena ey ke wa welatê xo ra hes bikero. Serra 2020î de Cengê Heftanînî de Xantûr de birîndar bi. Heta peynîye şer kerd. Wexto ke  ewnîya rîyê îşxalkeranê ke vatêne: ''Meşore, cayêk nêmend ke ti şorî ci''  kendalan de fikirîyayêne. Verî ke biverdo îşxalkerî xo biresnê Xantûr de bi Bêrîtane.

Gerîla Rûstem Cûdîyî verî ke bêmerg bi wina qala Cengê Heftanînî de kerdêne:

''Ê pê teknîkê xo bawer kenê û hêrişê erdê ma kenê. La hêzê îradeyî nêdî. Wexto ke ameyî embazan derbî dayî înan ro. Nê koyî koyê ma yê. Leşkerî zî naye zanenê. Senî nê koyan ra gêrenê?

Ê serê giran de yê, raşt o. La ma hetê înan de yê. Peyê her kerra û dare mewzîyê ma yo, cayê ma yo. Ê bi xo vanê 'Ma Xantûr serûbin kerd lê gerîlayî hema zî çalakîyan kenê.' ''

Embazê ma Rûstem Cûdî 12ê temmuze de warê Xantûrî de wexto ke vera artêşa TCyî ya îşxalkere şer kerdêne rixmo ke birîndar bi bi roja şer kerd û dima ke cebilxaneyê ci qedîya teslîmê artêşa kolonyalîste nêbi û xo kendalan ra eşt war, şehîd bi. Û Cengê Heftanînî Bêrîtanêk aferna.