Mînîbusa ke tede raywanî seba veyve Gumgumî ra şîyêne Qers rayîrê Çewlîg-Xarpêtî de qeza kerd. Semedo ke ramitoxê mînîbuse nêeşka wesayît kontrol bikero mînîbuse ginaye kamyonêka parkkerde. 

Netîceya qezayî de 3 kesî merdî, 12 kesî zî birîndar bîyî. Birîndarî pê ambulansan wedarîyayî nêweşxaneyanê şaristanî. Cenazayî zî wedarîyayî morgê Nêweşxaneyê Zanîngehê Firatî.