Fermandaranê YJA-Starî ra Berfîne Nurhak bi wesîleya serrgêra çalakîya Bêrîtane (Gulnaze Karataş) ANFyî rê qisey kerd. Qiseykerdişê Fermandare Nurhake ra beşêk wina yo:

''Çalakîya Bêrîtane 29 serrî xo pey de verdayî. Şexsê embaze Bêrîtane de ez pêro şehîdan yad kena. Çalakîyan Bêrîtane xetêk a. Metodê cuye û têkoşînî yê xeta azadî yo. Xeta tewir, kesayetî û çalakîye pê bawerîya xurte ya serkewtişî îfade bena. Xeta Bêrîtane bi fedayîtîya hişmendîya cînsî, sîyasî û tarîxîye perspektîfanê bingeyînan ê artêşbîyayîşê cinîyan ra yew a.

Bingeyê plansazî û konseptê hemparî yê hêzanê mîyanneteweyîyan de, bi hemkarîya dewleta tirke, PDK û YNKyî Başûrê Kurdîstanî de waranê gerîlayan de serra 1992î de hêrişêko hîra dîya destpêkerdene. Armanc çinkerdişê gerîlayan û PKKyî bi. Mîyanê nê şert û mercan de gerîlayan xoverdayîşêko raştikên kerdêne. Mîyanê nê şert û mercan de Bêrîtane çeperê xo yê Xakûrkê de heta guleyê xo yê peyênî şer kerd, vera vengdayîşê teslîmîyetî çeka xo şiknaye û xo kendalî ra eşt. Mîyanê nê hêrişî de îradeyê şerî yê gerîlayan mojna û qerardarî û îdîaya cinîyan ê şerî îfade kerdî.

Rayberîye çalakîya Bêrîtane ra hêz girewt, şerkerdiş û tewrbîyayîşê cinîyan de israr kerd û artêşbîyayîşê cinîyan vist rojdem. Xeta Şehîde Bêrîtane de artêşbîyayîşê cinîyan, fermandarîya cinîyan viste rojdem. Rayberîye rayîrê tewirê Bêrîtane vejîyaye. Çalakîya Bêrîtane kesayetê aye û asta pênasekerdişê na çalakîye ya Rayberîye erjê perspektîfê pêşkêş kerdî, bîyî sebeb ke safhayêka newîye ya tarîxîye dest pêbikera.

Gerîlayê YJA-Starî 30 serrî yo xeta Bêrîtane de bîyî artêşe, hêzê tarîxî û ewro bi xurtî şer kenê. Mîyanê raştîya şerî de gerîlayê cinîyî pê teknîk û taktikê nikayênî xo xemilnenê û vernîya şerî de ca gênê. Gerîlayê YJA-Starî tewir û çalakîya Bêrîtane ra hêz gênê, bi nê hêzî şer kenê. Şerê Şarî yo Şorişgêr bi nê hawayî yeno kerdene.''