Gerîlayê  HPGyî yê ke Cengê Xabûrî de ca genê,  Hemleya 15ê Tebexe ya ke Roşanê Ganîbîyayîşî yê şarê Kurdî ya,  ANFyî rê ercnaye.

Gerîlayan ra Seyît Dîyarî Hemleya 15ê Tebexe sey çîqê adirî name kerd û vat: ''No çîq pêde pêde bi volkan. Şarê kurdî bibê têşanê azadîye û tim raştê qirkerdişan ameyêne. Xeyrê 15ê Tebexe şarê kurdî newe ra bi ganî. Xeta xoverdayîşî yê Egîdan ewro Avaşîn, Metîna, Zap û Serhadan de dewam kena. Zîndanan de hemrayê ma pê ruhê 14ê Temmuze, ma zî pê ruhê 15ê tebaxe xover danê. Heta azadîye Rayberîye û Kurdîstanî ma do şerî pîl bikerê û biresê serkewtişî.''

Bager Çekdarî zî sere de xoverdayîşê tepişteyanê azadîye pîroz kerd û vat: ''Ê senî ke semedê qedînayîşê tecrîdî têkoşîn kenê ma zî pê ruhê 15ê Tebexe têkoşîn kenê ke Kurdîstanî azad bikerê. Verê 15ê Tebaxe dewleta tirke vatêne qey kurdî qedîyayî. La na hemle planê înan xeripnayî. Rayber Apo û Hemleya 15ê Tebaxe kurdî newe ra ganî kerdî. Ruhê xoverdayîşê na hemle ewro Herêmanê Pawitişî yê Medya de merheleya berze de dewam keno. Dewaya azadîye ya Kurdîstanî do miheqeq bi têkoşînî ser bikewo.''

Azad Êrîş zî vera faşîzmê AKP-MHPyî bale ante muhîmîya têkoşînê topyekunî ser û vat: ''Ruhê xoverdayîşî yê fermandarê pîlî yê embaz Egîdî semedê ma bi yew xete û kultur. Xoverdayîşo ke Kurdîstan de pîl beno, netîceya serkewtişê Hemleya 15ê Tebexe yo. No ruh warê şerî de serkêşîya Çekdaran, Kurtayan û Demhatan de avêr şi. No ruhê xoverdayîşî do nêqedîyo, heta serkewtişî ma do pê nê ruhî têkoşîn bikerê.  Nê serrê ke ma tede yê do netîceya têkoşînî zelal bikerê. Bitaybetî xoverdayîşê Mam Reşoyî, Zendûra û Herêmanê Pawitişî yê Medya xoverdayîşê serkewtişî yo. Têkoşînê serranê peyênano ke waranê gerîlayan de yeno domnayene, semedê qalkerdişê ci çekuyî qîym nêkenê. Ma do miheqeq xeyalanê şehîdanê xo bîyarê ca.''