Rayîrî de ma yewbînî şinasnayî. Ma dest pê xoşebere kerd. Ma cayanê tewr rindan ê Heftanînî ra cayêk de roniştêne. Ê hîrê tenî bîyî û helêke ra pey do şorê çalakîye. Înan vatêne qey ez zî gerîla ya. Heval Êrîş huyayêne. Çew cade perwerîya ey a seba Heftanînî fam kerdêne. Kişta ey de embaz Dîren estbi. Vatêne: ''Ez zaf bikelecan a. Eke ez pê nê kelecanî hêrişê dişmenî bikera o zî mat maneno.'' Ma zî pê qiseyanê ey huyayêne.

Hetê ma de embazêko suîkastger estbi, namdar bi. Ez şîya verê ey mi vat: ''A şewe Dûpişke de to dayo Kobra ro?'' O têna ewnîya mi û pêşmirîya. Gerîlayî nêwazenê serkewtişanê xo ra behs bikerê. Nêvanê 'ez' vanê 'ma'. 

Hêriş ewnîya ke o cewan nêdano cade vat: ''Embaz Dûpişkê ke her kes qala Şehîd Mazlûm û Şehîd Agît keno. Şehîd Reşatî zî cayê înan de bi. 3 gerîlayan 2 rojan şer kerd. A şewe înan hem Kobra hem zî teyara vistî erdî ro. Hem zî keşîf înan ser o bi. Embaz Reşît seba ke keşîf nêdo embazan bale anceno xo ser. Şehîd Agît û Şehîd Mazlûm pratîk û metodê Cengê Heftanînî anê ca. Werrekna yew qala înan bikerdêne, binuştêne. Ganî ê vîrî ra nêşorê.''

Embazo sûîkastger destê ci de gilêk erdî ser o çîyêk xêz keno. Ez persa ho se keno. Vat: ''Leşker Dûpişkê de wazeno kozikan virazo la ma destûr nêdanê. A roje ez şîya ci. Seba ke xo vîrî ra nêkera erdî ser o xêz kena.'' Eşkera yo ke gerîla her tim fkirîyeno. Êrîş xo keno mîyan vano: ''Heta ke ê nêşorê ma Heftanînî ra nêvejîyenê.'' Embazo bîn zî vano: ''Hela wa zimistan bêro, tay mend ke payîz zî bêro. Xoza perrê ma gêna. ''

Wexto ke ma emban Êriş goştarî kerdêne embazêkî vat: ''Embaz Laleş çapemenîye ra yo, şima zanenî ney?'' Hêverî her kes bêveng mend û dima huya. O çax zî dîyaloganê winasênan dest pêkerd: ''Ma zî vanê çira no hende çîyan perseno. Makînaya to ça de ya, cîhazê to yê qeydê vengî ça de yo?'' Wexto ke şima gerîlayan goştarî kenê gereka şima pêro organanê leşê xo abikerê. Goş, çim, mezg ganî pêro çîyan hîs bikerê.