Gerîlaya YJA-Starî Delale Ameda ke rojanê verênen ê hêrişanê artêşa tirke de qisey kerd, nika tunelanê şerî yê Zapî de xo ver dana. 

Delale Amed ANFyî rê qisey kerd û pare kerd ke înan rê zaf ercîyaye yo ke prosesêkê winasênî de şer kenê.

Delale Amed vat: ''Ti bi pêro rayîr û metodî amadekarîyan kenî, çunke ti zanenî ke dişmen senîn o. Ma goreyê tecrubeyanê Avaşînî yê parî amadekarîyê xo kerdî. Têgêrayîşê ma armanc kenê ke dişmenî bişiknê. Çend şananê peyênan de dişmenî dest pê operasyonê hewayî kerd, bêmabên hêriş keno. Dişmen wazeno xo seke xurt o bimojno, psîkolojîya gerîlayan bixeripno û vajo 'ez pê rayîr û metodanê cîyayan yena.'

Ma kapasîteya teknîkî zanenê, dişmenê xo şinasnenê. Dişmen Herêmanê Pawitişî yê Medya de raştîya gerîlayan vîneno. Nê hêrişî nîşaneyê ters û qelsîya dişmenî yê. Nîşaneya binkewtişê dişmenî ya.Ma pê bawer ê ke serkewtişê pîlî do bivisnê destî.''