Gerîla Rêber Kobanê koyanê Zagrosî de tunelanê şerî yê Zapî de vera artêşa tirke ya îşxalkere şer keno. Gerîla Rêber Kobanê ANFyî rê qisey kerd û sozê serkewtişî da.

Gerîla Rêber ard ziwan ke şer Zap de asta tewr girane de yo û artêşa îşxalkere rayîr û metodê bêexlaqî şuxilnena. Rêberî vat: ''Ma serra 2021î de vera dişmenî xoverdayîşêko destanwarî û serkewte kerd. Zaf embazê ma şehîd bîyî, ma zaf şehîdê ercîyayeyî dayî. Dewleta tirke bi taybetî pê çeka kîmyewîye û teknolojîya moderne hêrişê Herêmanê Pawitişî yê Medya kena. Vateyê destvistişê koyan ê dewleta tirke têna xeyal o.

Dewleta tirke her roje bi her hawayêkê giranî hêrişê şarê ma kena. La ma do dişmenî ra qesasî bigêrê. Ma do dişmenî Zagrosan de bişiknê. Ma şerwanê dewayêka heqdar ê, ma do heta peynî şer bikerê. Ma amade yê ke vera pêro çekanê kîmyewîyan û teknolojîya moderne ya dewleta tirke têkoşîn bikerê. Nê esasî ser o ma soz danê ke dişmenî bin bivisnê. Dişmen do tîya de bin bikewo. Ma do têna dişmenî nêvindarnê, ma do bikerê ke dişmen ameyîşê xo ra poşman bibo. Ma seba ney sozê xo dibare kenê.''