Gerîlayanê HPGyî ANFyî rê qisey kerd û pare kerd ke operasyonê dewleta tirke yê 2021î ser nêkewtî û serra 2022yî de a wazena netîce bigêra la îradeyê gerîlayan sey tirsî verê projeyê înan gêno. 

Gerîla Rûbar Xemgînî vat: ''Hêrişê dewleta îşxalkere yê 17ê nîsana a raşte dewamê projeyê înan ê 2022yî bîyî. Seke zanîyeno ke operasyonê parî de dewleta tirke ser nêkewtbî. Kena ke projeyê xo yê îşxalî rê dewam bikera, 17ê nîsane de reyna hêriş kerd. Dewleta îşxalkere vera pê çeka kîmyewîye hêrişê tunelanê şerî kena. Xora destê ci de teknîkî ra ber çîyêk nêmendo. Dewlete bi zehmetî leşkeranê xo giran ra gêna. Dewleta tirke sîstemê xurtî yê pawitişê ma dî. Ma zî xoverdayîşê parî ra tecrubeyê pîlî girewtî. Nê di serrî yo her çiqas hêrişanê xo hîra bikera zî dewleta tirke nêeşkena netîce bigêra.''

Gerîla Elîşer Amedî vat: ''Artêşa tirke operasyonan de bawerîya xo têna bi teknîkî ana û wazena planê xo yê îşxalî bîyara ca. Leşkerê tirkî her roje destê gerîlayan ra derban wenê. No şer hetê gerîlayan ra bi terzêkê neweyî vejîyeno werte û no terz waranê şerî de netîce gêno.  Dewleta tirke şexsê PKKyî de wazena şarê kurdî çin bikera. Gerîlayan teknîkê dewleta tirke felç kerdo. Heta nika xeylêk helîkopterê înan ameyî derbkerdene û ê nêeşkenê herême de bi rehetî têbigêrê. Dewleta îşxalkere bi pêro hêzê xo hêrişê nê herêman kena. Pêro teknîkê dewrî visto dewre. Embazê ma bi îradeyêkê pîlî cewab danê hêrişanê înan. Şero emserîn ê parîn ra hîra yo. Ê bi xeyalê îşxalî ameyê tîya la nê xeyalî do bibê sebebê rijîyayîşê înan. Ma do bidê dişmenî ro û ser bikewê.''