Dr. Kamûran Berwarî û Dr. Hîşam Zêbarî yê eşîranê Berwarî û Zêrbarîyî yê Heftanînî ra yê derheqê hêrişanê dewleta tirke yê vera Heftanîn û Biradostî de qisey kerd.

Akademîsyenê Zanîngehê Dehokî Hîşam Zêbarîyî îfade kerd ke Tirkîya bi bahaneya PKKyî hêrişê Başûrî kena la armancê ci îşxalê Mûsil û Kerkûkî yo. Dr. Zêbarîyî vat: ''Tirkîya wazena hetê petrolî ra Başûrî ra îstîfade bikera.Nakokîyê mabênê şar û komanê sîyasîyan seba hêrrişan zemîn danê dewleta tirke. Tirkîya xîret kena ke mabênê IRaq û Başûrî de nakokîyan bivirazê. Dewleta tirke herêman de ke hêrişê ci kena, baregehanê leşkerîyan nana ro û seba sîstemê qoricîtîye xebitîyena. Dewleta tirke xîret kena ke nê sîstemî Bradost, Şêladizê, Berwarî û dormeyê ci de bîyara ca. Tay bêbextan ra berî hemwelatîyî nê sîstem qebul nêkenê. ''

Akademîsyenê Zanîngehê Duhokî Dr. Kamûran Berwarî vist vîrî ke hêrişê îşxalî de yê dewleta tirke herêma Bradostî de dîyayî destpêkerdene la dima Xakurkê û Heftanîn de vila bîyî. Berwarîyî vat: ''Nika her kes zaneno ke dewleta tirke wazena her cayanê dinya îşxal bikera. Coka Behdînan de hêrişê îşxalî kenê. Seba şarê Başûrî yewîya kurdan tek rayîr o. La tay bêbextî vanê 'Wa PKK herême ra vejo.' Ganî hukmatê Başûrî vera hêrişanê dewleta tirke tewirê xo bi hawayêkê xurtî bimojno. Ma Şingal, Mexmûr, Hewlêr, Duhok, Kerkûk de dî ke gerîlayî welatê ma pawenê. Bi têkoşînê gerîlayan ê 36 serran faşîzm do çin bibo. Eke PDK û Hukmatê Herême biwazê eşkenê verê îşxalê Tirkîya bigêrê. PDK eşkeno PJAK û PKK reyde têkilîye rono û na şaşitîye werte ra wedaro. Nê hêzî eşkenê yewîya kurdan awan bikerê. ''