Gerîlayê HPGyî Mustafa Şîmşekî (Kamuran Amed) pa 6 embazanê xo tunelanê şerî yê Mamreşoyî de vera îşxalê dewleta tirke bi fedayîtî xo ver da. Dewleta tirke ya îşxalkere pê xoverdayîşê nê 7 gerîlayan nêeşkaye û vera înan gazo kîmyewî xebitna. Hêriş de 7 gerîlayî şehîd bîyî.

Nînan ra Mustafa Şîmşek serra 2000î de Amed de dadîya xo ra beno. Mustafa domanîya xo taxa Benûsenî, kuçeyanê Sûrî de derbaz keno û têgêrayîşê azadîye şinasneno. Mustafa bi hawayêkê aktîfî xebatanê Ciwananê Şorişgêran û YPS de ca gêno.

Mustafa wextêk tetpişîyeno û keweno zîndan. La o mîyanê dêsanê zîndanî de zî xoverdayîşê xo rê dewam keno.  Kamuran zîndan de Rayberê Şarê Kurdî Abdullah Ocalanî waneno, fam keno û wexto ke zîndanî ra vejeno 2019 de tewrê PKKyî beno.

Perwerdeyî ra dima bi nameyê xo yê qodî Kamuran verê xo dano Eyaletê Avaşînî. O wextêkê kilmî de gerîlatîye museno, beno leşkerêkê Rayber Apoyî.

Nîsana 2021î de Kamuran sozê serkewtişî dano û şino Meydanê Cengî yê Mamreşoyî. Kamuran 21 serrîya xo de 10 rojan Mamreşo de xo ver dano. Kamuran nê 10 rojan de sey fermandarêkî Mamreşo de şer keno.

3ê gulana 2021î de Girê Şehîd Munzurî yê Mamreşoyî de netîceya gazanê kîmyewîyan ê artêşa tirke ya îşxalkere de Kamuran reseno şehadetî. Eke Mamreşo destan bo no destan dest û zerrîya Kamuranî ra vejîyeno. Nê hêrişê namerdî, nê gazo kîmyewî ne zî şero bêedalet nêeşkayî Kamuran vindarnê. Nika no îrade Mamreşoyî ra ver bi pêro Amedî herikîyeno.