Merkezê îrtîbatî û Çapemenîye yê HPGyî da pehesnayene ke gerîlayêk xoverdayîşê Zapî de şehîd bîyo.

Eşkerayîya HPGyî wina ya:

''Ma eşkerayîya xo ya 26ê nîsane de dabi eşnawitene ke 26ê nîsane de Qilê Şehîd Serxwebûnî yê Zapî de îşxlakerî ameyî pirodayene. Çalakîye de 8 îşxalkerî ameyî kiştene û xeylêk zî birîndar bîyî. Reyna di Droneyî zî ameyî derbkerdene.

Hemrayê ma Bawer Deyndar  fermandaro fedayî na çalakîye de ca girewt û derbê pîlî dayî dişmenî ro. Hemrayê ma Bawero ke çalakîye de bi giranî birîndar bibi rixmê heme mudexaleyan 3ê gulane de tewrê kerwanê şehîdan bi.

Hermrayê ma Bawer roja verêne ra vera hêrişê îşxalî cepheyê vernî yê şerî de ca girewt û pê mîlîtanîya serkêşîye ya Apoyî bi ninûmeyo serkewte. Serê de warê Ciloyê Qicî de herêma Zapî de xeylêk çalakîyanê ke derbê xurtî dîyaye artêşa tirke ro, tede de ca girewt û serkêşîya nê çalakîyan kerd. Sey fermandarê qolê hêrişî çalakîyan de rolo serkewte kay kerd û xeta gerîlayanê neweyan bi serkewtişî pratîk de arde ca. Hemrayê ma Bawerî bi kesayetê xo yê mîlîtanî û vindertişê xo yê leşkerî koyanê Zagrosan de rêçê Şehîd Serdaran de game pîlî eştî û beyraqa şehîdanê ma yê bimbrekan bilayikî kirişte. Hemrayê ma Bawer bi sembolê Hemleya Şorişgêre ya Bazanê Zagrosî û semedê ma û şarê kurdî bi meşaleyê roşnayî yê xoverdayîş û serkewtişî.

Sere de keyeyê ercîyayeyî yê hermrayê ma wa sereyê heme şarê welatperwerî yê Kurdîstanî weş bo. Ma soz danê ke ma do waştişê şehîdanê xo bi serkewtişî tacîdar bikerê.''

Nameyê Qodî: Bawer Deyndar

Name û Peyname: Umut Han

Cayê Bîyayîşî: Mûş

Maye-Pî: Gonule-Dogan

Tarîx û Cayê Şehadetî: 3ê Gulana 2019î/ Herêma Pawitişî yê Medya