Dima ke qezaya Xozatî ya Dêrsimî de gerîlayan wesayîtê zirxînî yê qereqolê Amutka hedef kerdî û da piro leşkeranê îşxalkeran ê artêşa tirke herême de operasyonêk da destpêkerdene.

Operasyonî ra dima dewê Derekoy û Geşnekî dîyayî bombayan ver. Bombarduman de şewat vejîya û şewat 3 rojî yo dewam keno. Îşxalkerî nêverdenê ke şewat bêro hewnakerdene.

Îdarekarê HDPyî, ekîpê şaredarîye û şar semedê hewnakerdişê şewatî şîyî herême la leşkeranê tirkan heyet asteng kerd.

Artêşa tirke pê bahaneya 'warê asayîşî yê taybetî' nêverdena çew derbazê herême bibo. Îşxalkeran rayîrî zî trafîkî rê qefilnayî.