Xozatê Dêrsimî de de badê operasyonê leşkerî daristan de hetê leşkeran ra şewat vejîya. Şewat çar rojî yo dewam keno. Selahîyetdarî ne şewatî hewna kenê ne zî destûr danê şar bikewo herême.
Qezaya Xozatî ya Dêrsimî de 9ê gulane de mewkîya Amutka de operasyono leşkerî dîya destpêkerdene. Leşkeranê tirkî daristan de şewat vet. Çar rojî yo ke semedê hewnakerdişê şewatî mudaxaleyêk nîno kerdene.
Goreyê zanayîşanê ke dewijan ra ameyî girewtene şewat hendê 5 hektran vila bîyo. Şewe seba ke ser do şewat beno kêm la saetanê nîmroje de germîye ra reyna kila geno. Rixmo ke hayîya selahîyetdaran pê esta mudaxale nîno kerdene. Seba ke cayê operasyonî yo dekewtişê herême rê destûr çîn o.
