Yagiz: Çi beno wa bibo, ez do çalakîya xo bidomna
Nasir Yagiz 80 rojî yo Hewlêr de grevê vêşanîye yê bêdem û bêagêrayîşî de yo. Ame zanayene ke, zerrî Yagizî de xirabeyîya rîtmî ameyî tespîtkerdene.
Grevê vêşanîye yê Nasir Yagizî temsîlkarîya HDP’yî ya Hewlerî de dewam kena û roja 80’ine de ya.
Ame tespîtkerdene ke, zerrîya Yagizî de xirabeyîya rîtmî vejîyaya. Doktorê ke weşîya Yagizî kontrol kenê vanê, ganî rewşa ey timî binê kontrolî de ba.
Rewşa weşîyî ya Nasir Yagizî roja 1’ê Sibate giran bîbî û o amebi berdene bi nêweşxaneyî. Labêlê Yagizî tedawî qebul nêkerd û çalakîya xo rê dewam kerde.
Yagizî kontrolî ra dima eşkerayêk daye û vat, “Peynîya xo çi bena wa biba ez qerardar a ke çalakîya xo bidomna. Ma do çalakîya xo ser bikewê û tecrîdî bişiknê.”
