Fermandarîya Pêroyî ya Yewîyanê Xoverdayîşî yê Şingalî  (YBŞ) bi wesîleya serrgêra 8. ya Qirkerdişê Şingalî yo  ke 3ê tebaxa 2014î de hetê çeteyanê DAÎŞî ra ame kerdene, eşkerayîye daye nê vatî:

''Ma hela tewr tenge de bi îrade, kede û gonîya xo têkoşînê azadîye da destpêkerdene û xo rêxistine kerde. Ê rojan de mîlîtanê Rayber Apoyî resayî ma. Ma deydanê nê fedayîyan ê. Eke ma ewro na herra bimbareke de ciwîyenê, xeyrê nê qehremanan o. Na mana de ma heme şehîdanê  HPG, YJA STAR, YPG û YPJyî bi hurmet yad kenê. Ma do pê keda înan ser bikewê.

3ê tebaxa 2014 de bi waştişê çînkerdişê şarê ma bi xayînîye hêrişê heme estbîyayîşê ma kerd. Cinî, kêna, doman, extîyar û ciwanê ma bi metodanê teberê merdimîye ameyî qetilkerdene. Bi hezaran kênayê ma yê ke hetê çeteyanê DAÎŞî ra ameyî esîrgirewtene bazaran de sey koleyan ameyî rotene. Aqibetê bi hezeran dayîke, doman û merdimanê ma nîno zanayene. Ewro zî êyê ke serê dej û darbanê me sîyasetê leyminî rayra benê, bi hewayêkê bêehleqî hêrişê şar, erc û destkewteyanê ma kenê. Îxaneto ke 3ê tebaxe 2014î  de şexsê PDKyî de ame averberdene  şexsê eynî kesan de heme welat de vila beno. Bi pêkerdişan kenê ke fermanan û qirkerdişanê neweyan şarê ma rê bidê ciwîyayene.

No pêkerdiş vera ma bêro rayraberdene zî wa bêro zanayene ke nê plan û projeyê xayînî semedê îşxalkerdişê heme Iraqî yenê rayraberdene. Çunke dewleta tirke ya îşxalkere wazena sînoranê xo hîra bikero. Waştişê ci têna herra Êzidxanî nîya, heme herême wazena. Coka  Herêmanê Pawitişî yê Medya ra heta Musul, Kerkuk, Zaxo, Sûrîye, Rojawan û Lubnan heriş kena. Ganî  şarê herême nê bizano û vera nê hêrişan bibo yew tewir bîgêro. Eke îtîfaqê şaran xurt mebo her roje sey Zaxoyî do qirkerdişî bêrê kerdene. Pê hêrişan yeno waştene ke şar erdê xo ra biremo û waştişê îşxalî bêro caardene.

Ma vera nê îşxal û qirkerdişan heta ewro sey Mam Zekî, Berxwedan, Dijwan, Nuhjîyane, Zerdeşt, Agir, Dilgeş, Bêrîvane, Faraşîne û Şerwanan  bedelê giranî dayî. Ma ewro amade yê ke pîya bi heme şaranê herême herra Iraqî îşxalî ra bixelisnê. Bedelê ci beno wa bibo ma do ma ercanê xo  û herra xo ya bimbareke bipawê. Ma do pîya bi hêzê pawitişî yê şarê xo heme planan û projeyanê leyminan ê dişmenî betal bikerê. Dişmen wa xo mexapîno, ma do çirey vera hêrişan peyser gamê meerzê. Ma qerardar ê ma do qesasê xo bigêrê. Êyê ke destê xo ercanê  ma yê ke bi gonîya şehîdan ameyî afernayene, rê kenê derg wa çîyanê bînan zî hesab bikerê.

Ma hêzê pawitişê şarê xo yê. Ma fedayîyê nê şar, na herre, bawerî, kultur û tarîxê xo yê. Ma veng danê şarê xo ke wa agêro  herra bimbareke. Hinda hêzê ma est o ke ma şarê xo vera xayînîye û hêrişanê leyminan bipawê. Heme şarî wa bivînê ke Barzanî û PDK paştî danê dişmenî û şarî semedê menfeatê xo şuxulnenê.  Rîyê Barzanî û PDKra her roje hêrişê xayîn û leyminî yenê kerdene. Ma reyna şehîdanê xo yad kenê û soz danê ke ma do  waştişê înan bîyarê ca.''