Fermandarîya Yewinanê Pawitişê Şingalî (YBŞ) derheqê serrgêra Fermanê 3ê Tebaxe de eşkerayîyêke daye. Eşkerayîye bi kilmî wina ya:

''Nê rojan de ke ma hê serrgêra 7. ya Fermanê 73. de yê ma pêro şehîdanê xo bi rêzdarî yad kenê û ma soz danê ke  Iraqê Federalê Demokratîkî û Şingalê Xoserî awan bikerê.

Ma Fermanê 73. de dî ke şarê ke bêpawitiş û bêrexistinî yê maruzê qirkerdişan manenê. Şarê ma nê fermanî de pê hêzanê PDKyî bawer kerd la PDKyî şarê ma rê îxanet kerd. Şarê ma nê fermanî ra dersê xo girewt û hêzê xo yê pawitişî awan kerdî. Şarê ma encax pê paradîgmaya neteweya demokratîke û pê caardişê Iraqê Federalê Demokratîkî û Xoserîya Şingalî eşkeno xo bipawo.

Fermanê 73. ser ra 7 serrî vîyartî. nê serran de hêzanê ma YBŞ û YJŞyî Şingal pawit û tay şarê ma agêra Şingalî. No zî reya verêne bîyo. Fermananê bînan de şarê ma qetî nêagêra erdê xo. Hêzanê ma YBŞ û YJŞyî kerd ke şarê ma rêxistinîya xo bikero, bieşko xo bipawo. Nê xoverdayîşê 7 serran de pê keda Mam Zekî, Egîd, Dilşêr, Nûjîn, Berxwedan, Dilgeş, Bêrîvan, Nûjiyan, Zerdeşt û Nazêyan û şehîdanê bînan şarê ma destkewteyê pîlî vistî destî.

Dewleta tirke ya qirkere wazena Fermanê 73. rê dewam bikera. Dewleta tirke, PDK  pê Peymana Bexdad-Hewlêrî kenê ke nê fermanî binetîce bikerê. La hêzê ma YBŞ û YJŞyî senî ke Şingal xelisna do reyna nê hêrişan pûç bikerê. La ganî bizanîyo ke vera herême û şarê ma tehluke dewam keno.

Dewleta tirke ya ke paştî dabî DAÎŞî paştî dana PDKyî û vera gerîlayan şer kena. Wa ê bizanê ke eke nê hêrişî dewam bikerê hêzê YBŞyî do bêveng nêmanê û xo bipawê. Ma do têkoşînê şehîdan bihêzêr bikerê û erdê xo heta peynî bipawê.

Ma sey hêzanê YJŞ û YBŞyî rayberîya Mam Zekî, Berxwedan, Zerdeşt, Hamît, Nazê û Bêrîvanan de do cewab bidê hêrişan. Ma venga şarê xo, şarê Iraqî û şaranê herême danê ke dormeyê YBŞ û YJŞyî de xopawitişê xo awan bikerê, verê hêrişan bigêrê û azadîya xo bipawê.

Ma venga rayaumûmîya dinya, hêzanê demokratan, dezgehanê heqanê merdiman û welatanê Ewropa danê ke paştgîra DAÎŞî dewleta tirke ya faşîste wa mehkemeyanê mîyanneteweyîyan de bêra muhakemekerdene. Wa dewleta tirke polîtîkaya xo ya bêmerdimîye ya vera herême ra bêra muhakemekerdene.''