Yewinanê Xoverdayîşî yê Şingalî (YBŞ) û Yewinanê Cinîyan ê Şingalî (YJŞ) şexsê Mam Zekî û Seîd Hesenî de, şehîdê Sikenîyê û tebaxe bi merasîmêkî yad kerdî.

Merasîmê yadkerdişî de Xelîl Erebî nameyê Fermandarîya YBŞ û YJŞyî qisey kerd û vat: ''Ma zaf qatlîamî û dejê pîlî xo pey de verdayî. Cerganê DAÎŞî Fermano 74. vera şarê ma kerd. 15ê tebaxa 2018î de Mam Zekî ame şehîdkerdene ke ey vera DAÎŞî şer kerdbî û seba awankerdişê komelî kede dabî. Fermandarê qehremanî Seîd Hesen Seîdî kerd ke verê koçkerdişê şarê Şingalî bigêrê. Ma do tim peyê rêçê şehîdanê xo de şorê. Ma ewro Şingal de seba qesasê şehîdanê xo şer kenê.

Nê rojan de dişmen tim ma keno hede. Ma bi wesîleya 15ê Tebaxe pêro şehîdan yad kenê. Gerîlayê ke resabî hewarê ma, ma xoverdayîşê înan ê koyan selam kenê. Gerîlayan ma destê DAÎŞî ra xelisnayî û rûmetê ma pawit. Xêrê gerîlayan û felsefeya Rayber Apoyî ra ma ewro xo îdare kenê. Ma do sey hêzanê pawitişê şarî qetî nêverdê ke dişmen şarê ma qetil bikero. Ganî her kes wayîrê keda şehîdan vejîyo û seba Şingalê azadî û Iraqê demokratîkî têkoşîn bikero.''

Merasîm bi slogananê sey ‘Bijî Serok Apo’ û ‘Bê Serok Jiyan Nabe’ qedîya.