Çarçewa Hemleyanê Bazanê Zagrosî û Cengê Xabûrî de gerîlayê YJA-Starî Zap, Metîna û avaşîn de xeta Zîlane ser de tarîxî newe ra nusenê. Gerîlayanê YJA-Starî serrgêra şehadetê Zîlane (Zeynepe Kinaci) de qala girîngîya têkoşînê aye kerde.

Dunya Dilbirîn: Embaze Zîlane seba cinîyan bi rolêkê pîlî têgêraye. A serrêke mîyanê partîye de mende la bi wendiş û famkerdişê Rayberîye xo aver berd. Ma teqîbkerdoxê aye yê û a sey serkêşa xo ya pîle vînenê. Aye seba cinîyan ruhê xoverdayîşî aferna. Ewro bi hezaran Zîlanî est ê û na xete ser o şinê. Ma do bi nê ruhî ser bikewê. Aye mojna ke ganî ma senî vera dişmenî şer bikerê.

Jîyane Ararat: Embaze Zîlane pê çalakîya xo Komployê vera Rayberîye pûç kerd. Coka çalakîya aye tarîxî ya û wayîra manayêka pîl a. Aye sîstemê vera Rayberîye qebul nêkerd. Embaze Zîlane wayîra nasnameyê cinîya azade, îrade û firkan bîye. Şexsê embaze Zîlane de cuye manadare û azade hîna zelalî ameye famkerdene. Yew hela Zîlane zî veng nêşîye. Her hela ci bi eşq, zerrîwazî û manayêka pîle derbaz bîye.