Zeynepe Kinaci (Zîlane) serra 1996î de Dêrsim de vera artêşa tirke ya îşxalkere çalakîyêka fedayîye kerde û manîfestoyê cuye aferna. Gerîlayê HPG û YJA-Starî pê xoverdayîş û çalakîyanê xo serê xeta Zîlane de şinê.

Gerîlayanê YJA-Starî Ekîne Van û Şayane Botan derheqê çalakîya fedayîye ya Zîlane de ANFyî rê qisey kerd.

Ekîne Van pare kerd ke şehîde Zîlane bi çalakîya xo prosesî ra bîye cewab û vat: ''Şehîde Zîlane mîyanê PKKyî de xeta fedayîbîyayîş û çêrîye awan kerde. Na xete ewro zî dewam kena. Mîsalê ci yo tewr pîl Zap, Metîna û Avaşîn de yo. Çalakî û têkoşînê gerîlayanê YJA-Starî yenê manaya ruhê xoverdayîşî yê Zîlane, Egîd, Mazlûm û Bêrîtane. Şexsê Zîlane de ma deyndarê şehîdan ê. Çalakîya embaze Zîlane şarê kurdî rê bîya nefes. Çunke dişmenî 1996 de vera kurdan û PKKyî bi her hawayî hêrişî kerdêne. Ma soz danê ke ma zî do nê prosesî rê bibê cewab. Ma do tecrîdê vera Rayber Apoyî bişiknê, alaya şehîdan berz bikerê û biresnê azadîye.''

Şayane Botan zî pare kerd ke veera hêrişanê îşxalî yê dewleta tirke yê serê Zap, Metîna û avaşînî ê bi ruhê xoverdayîşî yê Zîlane têkoşîn kenê û vat: ''Ewro koyanê Kurdîstanî de bi hezaran gerîlayî est ê ke bîyê Zîlane. Xeta aye ya xoverdayîşî ewro Arînan ra heta Avzeman dewam kena. Ez zî sey yew gerîlaya YJA-Starî têkoşînê bi ruhê Zîlane rê do dewam bikera û cewab bida hêrişanê dişmenî. No çemberê xoverdayîşî qetî do nêşikîyo. Ez embazanê xo yê çeperan selam kena.''