Roşanê Ziwanê Kurdkî xeylê şaristanan de bi coşî ame fîrazkerdene.

Şaristanê Baselî yê Swîsre de Merkezê Komelê Demokratîkî yê Kurdan (NCDK) de şayîyêke ameye viraştene. Şayîye de şîîrî ameyî vatene, kayê tîyatroyî ame mojnayene û deyîrî ameyî vatene. Şayîye de sertîfîkayî dîyayî şagîrtanê kursê kurdkî.

Şaristanê Luzernî yê Swîsre de Enstîtuyê Kurdan NCDK de şayîyêke viraşte. Mamostayê enstîtuyî Kadrî Ozkanî û Mehmet Erogluyî şayîye de bale ante girîngîya ziwanî ser. Nuştox Îrfan Babaogluyî û Muhammed Reşîd Karwanîyî bale ante polîtîkayanê asîmîlasyonî ser. Bername bi konserêkî qedîya.