Şaristanê Hewlêrî yê Başûrê Kurdîstanî de rojnameger Şerwan Şerwanî, Guhdar Zebarî û Ayaz Karam, çalakger Şivan Seîd Omer û Harîwan Îssamenga rê nîsane de muhakemekerdişê 9 saetan, 2 rojan ra dima cezaya zîndanî yê 6 serran dîyaye. Bire hetê mehkemeya temyîze ra zî ameye tesdîqkerdene.

Delegasyonê Iraqî yê Yewîya Ewropa eşkerayîyêke weşanaye û bale ante tedayanê vera rojnameger û çalakîkeranê muxalîfan ê Başûrê Kurdîstanî ser. Delegasyonî ra ber temsîlkaranê dîplomatîkan ê Iraqî yê Yewîya Ewropa zî ard ziwna ke ê semedê bire qerqilîyenê.

Eşkerayîye de ame parekerdene ke bira mehkeme seba ke rojnamegerî bêters karê xo bikerê astengîyêka pîl a. Eşkerayîye de ame îfadekerdene ke pêvînayîşê rojnamegeran ê bi Sersefîrîya Almanya ya Hewlêrî û ê rêxistinanê komelê sivîlî kewtî îdîanemeyî û no zî beno sebebê qesawetî.

Eşkerayîye de venga hukmatê Herêma Kurdîstanî ame dayene ke wa  muhakemekerdişo edîl û azadîya îfadeyan zî tede hûrmet bimojna heqanê merdiman û mesuldarîya xo bîyara ca.