Yewîya Hêzî ya Şorişgêrî ya Dêrsimî meşte do bi amadekerdişê programî, namzedanê xo yê hemşaredarîye yê şaristanî do eşkera bikero. Hemserekê Pêroyî yê Partîya Domokratîke ya Şaran Sezaî Temellî, hemsereka EMEP’î Selma Gurkane, hemserekê Pêroyî yê TÎP’î Bariş Atay, temsîlkarê Partîzanî, hetkarê serekê Partîya Herêman a Demokratîke (DBP) Halîde Turkoglu, îdarekerê Komela Elewîyan a Demokratîke (DAD) û muzîsyene Pinar Aydinlare do beşdarê programî bibê.

Temsîlkarê partîyanê sîyasîyan ê ke beşdarê programî benê, siba saete 10 de Petrol Kalan Aktulukî yo ke dekewtişê bajarî de yo ra konvoyan reyde derbazê merkezê bajarî do bibê. Grube, dima têhetameyîşê bînaya bajarî ya HDP’yî bi rayîrraşîyayîşêk do esnafan zîyaret bike. Temsîlkarê Yewîya Hêzî ya Şorişgêrî ya Dêrsimî, dima rayîrraşîyayîşî Salona Veyveyî ya Dêrsimî de namzedanê xo yê hemserekê şaredarîye pêroyî rê do bide naskerdene.

Yewîya Hêzî ya Şorişgêrî ya Dêrsimî seba programo ke siba do bêro kerdene vilawekî vila kerdî.