24ê gulane de qezaya Licê ya Amedî de dewa Nenyasî de babîyê çar domanan Mehmet Yildirim (45) hetê leşkeranê tirkan ra amebi qetilkerdene.

Keye û merdimê Yildirimî ancax şewe eşkayî cenaza Dezgehê Tipê Edlîyî ra bigêrê. Yildirim bi sloganê ''Şehid Namirin'' hetê girseyêkê hîrayî ra ame definkerdene.

Hemsereka DBPyî Çîgdeme Kiliçgun Uçar, Wekîlê DEM Partî Serhat Eren, Endamê MEBYA DER û Nobeta Edaletî zî tewrê merasîmê cenaza bîyî.