Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê pare kerdî:

''Çarçeweya Hemleya Şorişgêre ya Bazanê Zagrosî de hêzanê ma yê YJA Starî Avaşîn de da artêşa tirke ya îşxalkere ro. 13ê nîsane de Girê Şehîd Dilgêşî de îşxalkerî verî gerîyayî binê kontrolî û dima ra pê çekanê giranan ameyî pirodayene.  Di mewzîyê ke ameyî hedefgirewtene  biîsabet ameyî pirodayene. Netîceya çalakîye de hîrê îşxalkerî ameyî cezakerdene, di mewzî û yew sîstemê kameraya mobesse ameyî îmhakerdene.

13 û 14ê nîsane de warê Girê Cûdî û Girê FMyî yê herêma Zapî pê teyareyanê şerî û hetê qereqolanê xeta sînorî ra  pê obusan ameyî bombardumankerdene. 14ê nîsane de warê Werxelê û Şehîdgehî yê herêma Avaşînî de têgêrayîşê helîkopteran qewimîya. Eynî wextî de warê Werxelê hetê qereqolanê xeta sînorî ra pê obusan û teyareyanê şerî dîya bombayan ver. Eynî roje warê Karker, Cehennem, Şikefta Birîndara, Kurojahro, Şehîd Şahîn û Şehîd Rustemî bi desan rey pê teyareyanê şerî dîyayî bombayan ver. Warnê Kunîşka yê Zapî zî pê teyareyanê şerî dîyayî bombayan ver.''