Endamê Polîtburoyê YNKyî Şalaw Elî Leşkerîyî derheqê tewirê YNK û PDKyî yê serê walîtîya Kerkûkî de eşkerayîyêke daye.

Elî Leşkerîyî da zanayene ke partîyanê Kurdîstanî yê Kerkûkî îxanetê şarê kurdî kerdo û vat: ''Eke partîyê kurdan bi lîsteya hempare debikewtêne weçînayîşan o çax Kerkûk do bivistêne destî. Seba ke PDK walîyêkê kurdî û YNKyî qebul nêkeno, Kerkûk de walîyo ereb erk keno. Şarê Kerkûkî zî na rewşe ra zerar vîneno.''

Şalaw Elî Leşkerîyî vat ke YNK do hinî şert û mercanê PDKyî qebul nêkero.

Weçînayîşanê walîtîya Kerkûkî de kurdan 7 kursîyî vistbî destî. La seba ke YNKyî û PDKyî namzedêkê kurdî ser o pênêkerdo namzedêko kurd nêame mojnayene.