Yewina Qesasî ya Şehîde Rizgare Gever a YPS-JIN çarçewa 'Hamleya qesasî ya vera kolonyalîst, ajan û notiran' de Şirnex de vera wesayîtêkê zirxînî yê polîsanê tîmanê taybetan ê îşxalkeran çalakîyêka sabotajî kerde.

Yewina qesasî derheqê çalakîyan de nê zanayîşî dayî:

''Endamanê ma yê yewine 13ê temmuze de saete 22:30 de taxa Bahçelîevlerî ya Şirnexî de îstasyonê kontrolê wesayîtan de vera wesayîtê zirxînî yê polîsanê tîmanê taybetan ê îşxalkeran çalakîyêka sabotajî ameye kerdene. Çalakîye de 9 polîsê tîmê taybetî yê îşxalkerî birîndar bîyî. Hûmara polîsanê ke ameyî kiştene nêameye zelalkerdene. Endamê ma yê yewine bi hawayêkê serkewteyî agêrayî waranê xo.

Nê çalakîyê ma seba vîrameyîşê embaze Şehîde Esmere Devrîm Zerdeşt û Şehîde Nûcane Şerdoz ameyî kerdene ke hamleya Cengê Heftanînî de warê Şeşdara de heta fîşekê xo yê peyênî şer kerd û şehîd bîyî.

Seba xoverdayîşê cinîyanê Heftanînî yê verda dewleta TCyî ma do pê çalakîyanê xo Kurdîstan û Tirkîya bibê cewab. Ma do sloganê 'Her ca Heftanîn o' kuçe, tax û meydanan de bivisnê dewre.''