Koordînasyonê YPSyî bi eşkerayîyêke Fermandar Çîyager yad kerd.

Eşkerayîye wina ya:

''Şarê ma rayberîya Rayber Apoyî de 50 serrî yo seba azadîye şer keno. No şer şerê pawitişî û şerê azadîye yo.

Dewleta tirke roja ronayîşê xo ra nata seba ke kurdan çin bikera xîret kena. Koalîsyonê faşîstî yê AKP-MHP-Erdoganî serra 2014î de pê planê 'çinkerdişî' barbarîya pîle kerde. No planê înan gina Çîyageran ro û çewt bi. Embaz Çîyagerî Sûr de bi desan taburê artêşa tirke bin kerdî.

Roja ke embaz Çîyager tewrê têkoşînê azadîye bi roja destpêkerdişê bêîtaatîye bi. O fermandarêko winasên bi ke tewrbîyayîşê cuye, coş û kelecanê xo û perwerîya xo pê ermancê azadîye yê şarê kurdî mojna. O çimeyê fedayîtîye yê PKKyî bi û cuya xo goreyê dewaya kurdan ciwîya. O cewherê xeta Rayber Apoyî bi.

Fermandar Çîyagerî Sûr de teslîmîyet red kerd û  xoverdayîşêko bêhempa kerd. Ruhê xoverdayîşî yê Çîyagerî tewr peynî Garê de xo mojna ra. Embazanê Çîyagerî pê îmkananê xo yê kêman artêşa NATOyî Garê de bin kerde. Çîyager verê dişmenî de çok nêşi erdî ro la kerd ke dişmen verê ey de çok şêro erdî ro.

Ciwanê Kurdîstanî ganî dormeyê awiranê Çîyagerî de bêrê pêser û qesasê ci bigêrê. Ma venga ciwananê kurdan danê ke wayîrê nê mîrasî vejîyê. Embaz Çîyager heta ke şehîd bi fekê tifingê ey qet serdin nêbi. Wextê ci ameyo ke fekê tifingê Çîyagerî Kurdîstan û Tirkîya de bêro germkerdene.''