Koordînasyonê Pêroyî yê Yewinanê Pawitişê Şarî (YPS) eşkerayîyêke weşanaye. Eşkerayîye de ame vatene ke gerîlayê azadîye vera artêşa tirke ya faşîste şerêkê tarîxîyî kenê.

Eşkerayîye de ame parekerdene ke rejîmê AKP-MHPyî wazeno bi xeyalê Osmanîyan newe ra Başûr û Rojawanê Kurdîstanî îşxal bikera la netîceya têkoşînê gerîlayan de nê xeyalê înan ameyî pûçkerdene.

Eşkerayîye wina dewam kena: ''Ma vera hêrişanê bêexleqan Hemleya Serfîrazîye îlan kenê ke na hemle do biba hemleya qesas û hesabpersayîşî. Cergê AKP-MHPyî bi hêrsê binkewtişê Zapî pê tekonolojîya NATOyî û destekê cergan û pê çeka kîmyewîye hêrişê gerîlayan kenê. Nê hêrişî tersê binkewtişî yê AKP-MHPyî eşkera kenê. Rejîmê AKP-MHPyî vera gerîlayanê azadîye verê mergî de yo. No rejîm seba ke rijîyayîşî ra bixeliso bi cerganê DAÎŞî hêrişê Rojawanî keno.

Înanê ke bodrumanê Cizîre de ma vêşnabî, koyanê Kurdîstanî de qetil kerdbî wa ê bizanê ke ma artêşêla şarî yê. Serra 50. de serê bingeyê Hemleya Serfîrazîye de ma venga şaranê xo danê ke wa vera cerganê AKP-MHPyî têkoşînê hemparî de yew bibê.

Hemleya Serfîrazîye bingeyê Şerê Şarî yê Şorişgêrî de xo rêxistin kena. YPS metodê têkoşînê rêxistinbîyayeyî yê şarê şorişgêrî yo. Şarê ma wa seba serfîrazîya na hemle bi mesuldarî têbigêro. Ma venga ciwananê şorişgêran danê ke wayîra Hemleya Serfîrazîye vejîyê û vera faşîzmî na hemle pîl bikerê.  Hemleya ma heta binkerdişê rejîmê AKP-MHPyî, caardişê azadîya Rayber Apoyî do bi ruhê fermandar Çîyager û Zeryanan dewam bikera.

Netîce do bêhempa biba.''