Fermandarîya YRKyî derheqê hêrişanê hewayî yê dewleta tirke ya îşxalkere de eşkerayîyêke daye.

YRKyî eşkerayîya xo de bale ante zêdîyayîşê hêrişanê hewayî yê dewleta tirke yê vera Şarbajêrî ser û vat: ''Hêrişê verênî 4ê tebaxe de vera dewa Gelale ya herêma Asosî dest pêkerd. Netîceya hêrişî de bax û baxçeyê dewijan vêşayî. Hêrişê 7ê tebaxe yê dewleta tirke ya îşxalkere de zî 7 embazê ma û di ciwanê Başûrê Kurdîstanî şehîd bîyî. Nê herêman de têna YRK û PJAK estê. Dewleta tirke bi bahaneyan hêrişê hêzanê ma kena. Dewleta tirke bi armancê çinkerdişê kurdan têgêrena. Çunke her kes zaneno ke nê herêman de YRK û PJAKî ra berî hêzêk çin o. Dewleta tirke bi nê hêrişan wazena ke verê hêzanê ma bigêra.

Ganî şarê Kurdîstanî vera nê hêrişan tewirê xo bimojno. Qirkerdişê Koyê Balûsî de barê ajanan esto. Ganî şarê ma û hêzê mesuldarî yê qeza vera nînan tewirê xo bimojnê û rayîr nêdê ajanîye.

Ma sey Yewinanê Pawitişê Rojhelatê Kurdîstanî vera nê hêrişan û estbîyayîşê ajanan do bêveng nêmanê û cewabê nînan  bidê.''