Fermandarîya Pêroyî ya Yewîyanê Rojhelatê Kurdîstanî (YRK) bi ekerayîyêka nuştekîye da zanayene ke rejîmê Îranî 18ê hezîrane de Şîne û Hemedanî ra hêzê xo Merîwan û Dîwandere de ca kerdî.

Fermandarîye da zanayene ke leşkerê Îranî waranê Tewekulan, Agce, Gogce, Nergiselle, Qemçiyan, Deregawan, Kani Temrxan û Şaqella de dibistan û camîyan ameyî cakerdene. Reyna xeylêk stargehê  demdemî yê leşkerî ameyî ronayene û herême şarî rê biye qedexe.

Eşkerayîye de ame vatene ke wareyanê Çilçeme, Dubra û Sultanî ra şarê herême bizor ame vetene û herême de operasyonê leşkerî dest pêkerd.

Goreyê eşkerayîye 22ê hezîrane de seatenê şewe de Koyê Sultanî yê Merîwanî û koyanê Dubra yê Dîwandereyî  ser o teyarayê kişfî gêrayî û serê sibayî zî herême ameye bombardumankerdene.

Herême de operasyon dewam keno.