Fermandarîya YRKyî bi mesajêkî venga pêro şaranê Îran û Rojhelatê Kurdîstanî da ke wa tewrê Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' bibê.

Nameyê Fermandarîya Yewinanê Rojhelatê Kurdîstanî (YRK) ser o Fermandar Çîya Mihabadî mesajê bi vîdeoyî de qisey kerd.

''Ma venga pêro şaranê Îran û Rojhelatê Kurdîstanî danê ke wayîrê na hemle vejîyê. Şarê ma wextê Komployê Mîyanneteweyî yê 1999î de bi xurtî vejîyabi waran û wayîrê Rayber Apoyî vejîyabi. Bi taybetî wa ciwanî û cinîyî vera zulmê serê Rayber Apoyî vejîyê. Rayber Apo 25 serrî yo binê tecrîdê Îmraliyî de yo. Seba ke meseleya kurdan bêra çareserkerdene ganî Rayber Apo azad bibo.

Şarê ma yê Rojhelat û Îranî bi felsefeya 'Jin, Jiyan, Azadî' ya Rayber Apoyî par serewedaritişêko bêhempa dabi destpêkerdene. Ganî şarê ma bi heman ruhî tewrê na hemle bibo. Eke ma yew bibê eşkenê Rayber Apoyî azad bikerê. Ma sey YRKyî amade yê ke seba azadîya Rayber Apoyî her fedakarîye bikerê. Ma do naye ra pey bi xurtêrî têkoşînê xo rê dewam bikerê.''