Merkezê Çapemenîya Yewîyanê Pawitişê Rojhelatê Kurdîstanî (YRK) da pêhesnayene ke 5 gerîlayî menga hezîrane de şehîd bîyî û nasanmeyê înan eşkera kerdî.

YRKyî vat: ''19ê hezîrana 2021î de dewleta tirke vera dewa Asosî ya Şarbajarî hêrişê hewayî kerd. Netîceya nê hêrişî de embazê ma Mahîye Açik ( Ada Îmrali) û Roha Racî ( Ekîne Rojawa) yê ke wezîfeyî ra agêrayêne şehîd bîyî.

Embaza ma Ada bajarê Wanî yê Vakurê Kurdîstanî ameye dinya û ciwanîya xo de  tewrê sefanê gerîlayan bîye. Sey gerîlayêka cinîye ya Kurdîstanî rêça Rayber Apoyî de semedê caardişê waştişanê şehîdan bi qerardarî têkoşîno xurt kerd. Embzae Ekîna ke bajarê Hesekê yê Rojawanî de ameye dinya serranê xo yê domanîye de Têgêrayîşê Azadîye nas kerd û mîyanê şorişî de bîye pîl. Sey cinîya kurde ya ciwane berpirsîyarîya xo girewt xo ser û verê xo da waranê azadîye. Embazî Ada û Ekîne heta şehadetê xo semedê înşakerdişê cuya azadê rêçê şehîdan de têkoşîn kerd.

Wextêk o ke dewleta Îranî ya îşxalkere pê komployan û bi destê qorîcîyan wazenê derbeyan bido embazanê ma ro. 15ê hezîrana 2021î de embazê ma dewa Sûretoyî ya Şahoyî de raştê hêrişê dişmenî ameyî. Mabênê embazanê ma û dişmenî de pêkewtiş vejîya. Embazê  ma Şêrko Rojhilat, Sîrwan Alanî û Hêja Sine yê ke bi hewayêkê qehremankîyî şer kerd, şehîd bîyî.

Embazê ma Şerko, Sîrwan û Hêja yê ke keyeyanê welatperweran de ameyî dinya semedê pawitişê erd û şarê xo vera xo da koyanê azadan û heta hela peyêne qerardar vera dişmenî şer kerd. Ma keyeyanê embazanê xo yê şehîdan û şarê kurdî rê serweşîye wazenê û sozê pîlkerdişê têkoşînî danê.''