Merkezê Îrtîbatî û Çapemenîye yê HPGyî derheqê çalakîyanê gerîlayan de eşkerayîye daye. HPGyî da zanayene ke çarçewa Hemleya ''Dem Demê Azadîye yo'' de çalakîyê gerîlayan Zagrosan ra heta Botanî dewam kenê.

Eşkerayîya HPGyî wina ya:

Hêzanê Pawitişî yê Hewayî ra çalakîyê qesasî

''Hêzanê Pawitişî yê Hewayî yê Şehîde Delale 6ê gulane de Metîna de vera îşxalkeranê ke Qilê Zendûra de ameyî cakerdene,  bi hewayêkê hemwextî di çalakîyî kerdî.  Eynî roje saetanê cemî şanî de tîya nê îşxalkerî reyna ameyî pirodayene. Hîrê heme çalakîyan de zî hedefî biîsabet ameyî pirodayene. Nê çalakîyî semedê qesasê şehîdanê Memreşoyî ameyî kerdene.

1ê gulane de warê Derîyê Wara yê herêma Cudîyî de çalakîya sûîqestî ameye kerdene. Na çalakîye de îşxalkerek ame kiştene.

Çarçewa ''Hemleya Şorişgêre ya Cengê Xabûrî'' de;

6ê gulane de hêzanê ma qilanê Zendûraya Pîle û Zendûraya Qice yê herêma Metîna de vera îşxalkeran pê çekanê giranan çalakîye kerde. Zendûraya Pîle de 3, Zendûraya Qicê de zî 2 roketanê Kayûşta îsabetê mewzîyanê dişmenî kerd.  Wird çalakîyan de zî mewzîyî ameyî derbkerdene la hûmara îşxalkeranê ke ameyî cezakerdene safî nêbîye. Îşxalkeran badê çalakîyan herême bombarduman kerde.

Çarçewa ''Hemleya Şorişgêre ya Bazanê Zagrosî'' de;

6ê gulane de Qilê Şehîd Mûnzûrî yê warê Mamreşoyî yê herêma Avaşînî de îşxalkerî pê doçkayan ameyî pirdoyane la hûmara merde û birîndarn nêameye tesbîtkerdene. Eynî roje hêzanê ma yê YJA Starî Qilê Şehîd Serdarî yê Avaşînî de pê hawanan da îşxalkeran ro. Dima ra reyna eynî qil de îşxalkerî pê doçkayan ameyî pirodayene. Badê çalakîye îşxalkeran  dormeyê xo pê çekanê giranan bombarduman kerd. Eynî roje nê qilî de pêkewtişêko kilm qewimîya derheqê nayî di zanayîşo hîra do dima ra bêro dayene.

Eynî roje îşxalkeran pê helîkopteranê hêrişî warê Aris Farisî yê Avaşînî operasyon da destpêkerdene. Îşxalkeranê ke waşt bikewê mewzîyanê şerî hetê hêzanê ma ra mesafeyo nizdî ra pê bombayanê destî û çekanê ferdîyan ameyî pirodayene. Na çalakîye îşxalkerêk ame cezakerdene. Tîya de pêkewtişî saetanê veraşanî de bîyî giran û saetanê şanî de hêzanê ma pê çekanê termalî da dişmenî ro. Tewr tay 4 îşxalkerî ameyî cezakerdene. Îşxalkerê ke saetanê cemê şanî yê 6ê gulane ra heta saetanê serê sibayî yê 7ê gulane warê Aris Farisî de hêzanê ma ra derbê pîlî werdî, tîya de reyna gazê axûyinî şuxulnayî ke bikewê mewzîyanê şerî. Hemrayanê me 7ê gulane de pê çalakîya hêrişî îşxalkerî peyser qeldeyî. Hûmara îşxalkeranê ke ameyî cezakerdene safî nêbîye. Pêkewtişê nê warî dewam kenê.

Qilê Şehîd Merwanî yê herêma Zapî de 6ê gulane de vera îşxalkeran çalakîyêka koordînekerdîye ya gerîlayan ameye kerdene. Hêzanê ma yê qolê hêrişî verî pê bombayanê destî û çekanê ferdîyan mewzîyê dişmenî hedef girewtî. Tîya de 4 îşxlakerî ameyî cezakerdene.  Dima ra qolanê pawitişî 3 qolan ra da îşxalkeran ro. Netîceya nayî de 2 îşxlakerî ameyî cezakerdene. Badê çalakîye îşxalkeran dormeyê xo bombarduman kerd û saetanê şanî de pê helîkopteran merde û birîndarê xo kiriştî. Na çalakîya pîla ke 6 îşxlakerî ameyî kiştene şexsê herma Serhat Giravî de semedê qesadê şehîdanê xoverdayîşê Mamreşoyî ameye kerdene.

Hêrişê hewayî

Bombardumanê artêşa tirke yê vera Herêmanê Pawitişî yê Medya dewam kenê. 5ê gulane de warê Herfa Tyî yê herêma Avaşînî, 6ê gulane de Qilê Zendûra yê herêma Metîna û Qilê Şehîd Merwanî yê Avaşînî û  7ê gulane de zî  warê Werxelê yê Avaşînî pê teyarayanê şerî ameyî bombardumankerdene.''