Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişanê artêşa tirke ya îşxalkere de eşkerayîyêke daye. Eşkerayîye wina ya:

''Artêşa tirke ya îşxalkere rixmê hêrişanê xo yê giranan zî 3 serrî yo Zap de nêeşkaye armancê xo yê xo îşxalî. Artêşa îşxalkere pê bombarduman, teknîkê şerî, teqaberanê qedexeyan, gazanê kîmyewîyan û bombayanê nukleran zî ser nêkewte. Vera ney gerîlayanê azadîye xoverdayîşo destanwarî kerd û derbê giranî dayî artêşa tirke ro.

Artêşa îşxalkere tewr peyên Zap de hêzê xo yê taybetî vistî dewre, şewa 12ê teşrîna verêne de hêrişê Warê Xoverdayîşî yê Girê Cûdîyî kerd û hîrê baskan ra da artêşa îşxalkere ro. Tîya de 29 îşxalkerî ameyî cezakerdene û 4 îşxalkerî zî birîndar bîyî. Artêşa îşxalkere reyna zûrî kerdî, kişteyê xo nimitî û teyna îtîraf kerd ke yew payeberzê ci kişîyayo.

Detayî wina yê:

Herêma Şehîd Delîlî ya Rojawanê Zapî;

Şewa 12ê teşrîna verêne de îşxalkerî seba ke debikewê tunelanê şerî yê Warê Xoverdayîşî yê Girê Cûdîyî hîrê baskan ra têgêrayî. Hêzanê ma hêverî 21.30 de da îşxalkeran ro û tîya de 11 îşxalkerî ceza kerdî û 4 îşxalkerî birîndar bîyî. Dima 21.40 de îşxalkerî ameyî hedefkerdene û 16 îşxalkerî ameyî cezakerdene. Dima pê taktîkê suîkastî 2 îşxalkerê bînî ameyî cezakerdene.

Herêma Xakurê;

9ê teşrîna verêne de Warê Xoverdayîşî yê Girê Şehîd Axîn û Şehîd Şahanî de hêzanê ma yê YJA-Starî da îşxalkeran ro û 2 îşxalkerî ceza kerdî.

Hêrişê artêşa îşxalkere;

11-12ê teşrîna verêne de mewzîyê Warê Xoverdayîşî yê Girê Çarçelî yê Metîna 2 reyî pê teqaberanê qedexeyan û 2 reyî zî pê dronanê teqaberan, newzîyê Girê Cûdîyî û Amedîyê zî pê dronanê teqaberan 6 reyî dîyayî bombayan ver.

12ê teşrîna verêne de herêma Zapî, Herêma Şehîd Delîlî, Xakurkê, Metîna dîyayî topan û bombayan ver.''