Merkezê Îrtîbatî û Çapemenîye yê HPGyî bi eşkerayîyêka nuştekîye derheqê çalakîyanê gerîlayan û hêrişê îşxalî yê artêşa tirke de zanayîş da.

Eşkerayîye de nê ameyî parekerdene:

Heftanîn

''1ê tebaxe de çarçewa Hemleya Cengê Xabûrî de Girê Koxê Mele Yahya yê warê Keşanî yê herêma Heftanînî de vera îşxalkeran çalakîye ameye kerdene. Wesayîtê kontrayano ke  leşkeran rê malzeme kiriştêne hetê hêzanê ma ra gerîya binê kontrolî û ame pirodayene. Çalakîye de 2 îşxalkerî ameyî cezakerdene û wesayît ame derbkerdene.

Metîna

3ê tebaxe de çarçewa Hemleya Şorişgêre ya Cengê Xabûrî de Girê Azadî yê warê Zendûra yê Metîna de çalakîyêke ameye kerdene. Çalakîya  ke mewzîyê dişmenî mesafeyo nêzdî ra ameyî pirodayene de mewzîyêke ameye derbkerdene, di îşxalkerê ke tede bî înan ra  1 ame cezakerdene 1zî birîndar bi. Eynî roje helîkopteranê ke waşt warê Dêşişê bombarduman bikerê hetê hêzanê ma ra ameyî pirodayene. Helîkopterî mecbur mendî ke agêrê.

Zap

3ê tebaxe de çarçewa Hemleya Şorişgêre ya Bazanê Zagrosî de Qilê Şehîd Munzurî yê Zapî de îşxalkerî hetê hêzanê ma yê YJA Starî ra ameyî pirodayene. Çalakîye de hedefê ke ameyî bewlîkerdene bi  serkewtiş ameyî pirodayene.

Bedlîs

Dewleta tirke ya îşxalkere Xîzanê Bedlîsî de bi hewayêkê sîstemakî daristanê dewanê Kerneheso û Ekûhî û dormeyê ci de daran birnena û daristanan çîn kena. Menganê hammananî de dormeyê Xîzanî û dewanê Yelîpîr, Kekola, Akanaûs, Surêhî de bi tewrbîyayîşê kontrayan falîyetê nimitişî ameyî kerdene la heme falîyetê înan pûç ameyî vetene.

Bombarduman 

3ê tebaxe de  tunelê şerî yê Girê Sorî û warê Werxelê ameyî bombardumankerdene û vera tunelan gazê kîmyewîyî ameyî şuxulnayene. Warî de têgêrayîşê Droneyan dewam keno. Reyna waranê Girê Silmemanî û Girê Sipî têgêrayîşê helîkoteran qewimîya.

Eynî roje xeta Qaşûra ya herêma Metînda de têgêrayîşê helîkoteran qewimîya. û dormeyê dewanê Kêste û Hirorê yê qezaya Kanî Masî ya Amedîye û warê Girê Şehîd Çîya û Kela Qûmrîyê pê helîkopteranê hêrişî ameyî bombardumankerdene.

1ê tebaxe de zî warê Keşanî yê Heftanînî ame bombardumankerdene.''