Endamê Konseya Rayberdişî ya KCKyî û Koordînasyonê Komelê Êzidîyan Zekî Şingalî (Îsamaîl Ozden) serrgêra şehdadetê ci de bi merasîmêk serê gorê ci de ame vîrardene.

Vîrardiş serkeşîya Dezgehê Keyeyanê Şehîdan ê Şingalî de Şehîdgehê Şehîd Berxwedan û Şehîd Dilgeşî de ame kerdene. Aktîvîteyêka bi rêzgirewtiş û merasîmê leşkerî dest pêkerd bi qiseykerdişanê derheqê Şingalî dewam kerd.

Badê merasîmê leşkerî, komelê êzidîyan, şervanê YBŞ û YJŞyî û endamanê Asayîşê Êzidxanî gorê Mam Zekî Şingalî ser o vilîkî nayî ro. Qiseykerdişan de derheqê cuya, têkoşîn û mîrasê şorişgêrî yê Şingalî de ame qalkerdene. Ama vatene ke şarê êzidîyan Mam Zekî rê zaf çî deyndaro û soz ama dayene ke do waştişê ey bêrê caardene.

Zekî Şingalî (Îsamaîl Ozden) 15ê tebaxa 2018î de Derîyê Şilo ya Şingalî de netîceya  teyarayanê şerî yê tirkî de şehîd kewt.