Îqtîdarê AKP-MHPyî bi qanûnê înfazî paştgêrê xo yê ke seba ke zirar dayo şarî kewtê zîndan vera dayî û tepişteyê sîyasîyî mergî rê caverdayî. Goreyê zanayîşanê peyînan zînanê Mûş, Bedlîs û Qersî de tepişteyê tengayî de yê. Serakanê Komeleya Heqanê Merdiman (ÎHD) yê Bedlîsî avûkat Cengîz Akdemîr û ya Bedlîsî Guldanê Kiliç derheqê qewimîyayîşanê nê zîndanan de zanayî da.

Avûkatan vist vîrî ke seba ke avûkatî  û merdimê tepişteyan nêeşkenê tepişteyan de pêvînayîş bikerê hîna zaf biqesawt ê û vat: ''Zîdanê Tîpê E yê Mûşî ke kapasîteyê ci 430 o de nizdê hezar kesî tede manenê. Koguşê 6 kesan de 18, ê 12 kesan de 20 kesî manenê. Bedlîsî de dermanê nêweşan nêdîyeno înan. Zîndanê Qersî de tepişteyê nêeşkenê malzemeyê pakkerdişî bifînê xo dest. Hukmat vano ma semedê vîrusê Korona zîndanan de tedbîrî girewtî la raştîye de çîyêk nêameyo kerdene. Şertanê zîndanî de şertê mesafeyê sosyalî nêeşkeno bêro caardene. Ma nêwazenê hînî meyîtî zîndanan ra vejîyê. Coka reyna veng danê ke wa tepişteyê sîyasî cade bêrê veradayene.''