Çîyager Agir serra 1996î de Dêrazor de dadîya xo ra beno. Ey zî sey her kesî waştêne ke bi hawayêkê azadî biciwîyo. Wexto ke DAÎŞ şaristanê ci îşxal keno cuye seba ey bena îşkence. Verê çimanê Çîyagerî de înfazî yenê kerdene, cinîyî kişîyenê. Çîyagerî na rewşe qebul nêkerdene la embazanê xo rê zî wina vatene. Çîyager hetê DAÎŞî ra îşxalê Dêrazorî de yeno tepiştene. 5 mengan zîndan de maneno û ci rê îşkence yeno kerdene. Merdimê ci DAÎŞî reyde qisey kenê û Çîyager yeno veradayene. La hînî zaneno ke o nêeşkeno wina biciwîyo.

Seba Çîyager Adirî serkewtişê Kobanê beno hêvîyêke. Dewamê hîkaye fekê Çîyagerî ra wina yo: ''Wexto ke mi nameyê Rayber Apoyî eşnawit û îdeolojîya merdimîye ya ke bêcîyakerî hetkarîya ma kerde nas kerde mi hînî fam kerd ke rayîrê ameyoxê Rojhelatê Mîyanênî û cuya newîye koyanê Kurdîstanî ra derbaz beno.

Nika di serrî yo ke ez koyanê xoverdayîşî de ya. Mîyanê nê têgêrayîşî de xeylêk bawerî, neteweyan ra embazî estê. Her kes seke merdimê yewbînan o. Mi embazîya winasêne cayêkê bînî de nêdîya. Ez eşkena vaja ke na kome koma parekerdişê şayî, xoverdayîş, huyayîş û nanî ya. Ma sey şarê erebî zaf dejî antî û ma hema zî ancenê. Têna felsefeya Rayber Apoyî eşkena dermanê nê dejan biba. Ez pê na wesîle kesanê ke seba ameyoxî hêvîdar ê û ciwananê şarê xo dawetê tîya kena.''