Tepişteyanê Zîndanê Dumluyî yê Erziromî ra Ramazan Kayayî bi telefonî babîyê xo Samet Kaya de qisey kerd. 

Ramazan Kayayî da zanayene ke zîndan roje bi roje vurîyeno îşkencexaneyî û îhtîyacê serekeyî yê sey awe, werd û ceyranî vera tepişteyan sey şantajî şuxilîyenê.

Kayayî vat: ''Vizêr heta nêmroje awe nêdîyaye. Wexto ke ma sebebê ney pers kerd, heqaretê ma ame kerdene. Gardîyanî seke ma dişmenê înan ê têgêrenê. Gardîyanî hêrişê her kesî kenê û heqaretan kenê. Mudirê zîndanî xîret keno ke tepişteyanê sîyasîyan proveke bikero û întîhar ferz bikero. Heqê ma yê tedawî yenê astengkerdene. Her ke şino rewşa tepişteyanê sîyasîyan xirabêr bena. Îdareyê zîndanî qestî ra nînan keno.''

Kayayî dîyar kerd ke cezaya hucreyî ra dima cezaya pereyî zî dîyaya înan û heqê înan ê vejîyayîşê warê hewayî ameyo sînorkerdene.

Kayayî vat: ''Ez nêzanena ke nê telefonî ra dima do çi bêro sereyê mi. Polîtîkayê teberî pabesteyê polîtîkayanê Îmraliyî yê. Tîya de ê nêverdanê ke ma nefes bigêrê. Ez venga rêxistinanê komelê sivîlî û rayaumûmîye dana ke wa bi hîsgerî têbigêrê.''