Tepişte Kadere Pekera ke Zîndanê Xarpêtî de manena da zanayene ke semedo ke kêmkerdişê wextê hewşî rê îtîraz kerd embaza xo reydehetê gardîyanan ra ameye derbkerdene. Kadere pê telefonî dadîya xo Maşallahe Peker reyde rewşe pare kerde û ard ziwan ke wextê hewşî ame kêmkerdene û semedo ke înan vera na bire îtîraz kerd ameyî derbkerdene.

Dadî Maşallahe Peker îfade kerd ke a seba kênaya xo qerqilîyena û vat: ''Gardîyanan sereyê embaza kênaya mi zî  dayo dêsan ro. Gardîyananê camêrdan hem kênaya mi û embaza ci derb kerdê û hem zî ê nêberdê nêweşxane. Naye ra raporê derbî zî çin o. Îdareyê Zîndanî zî wayîrê gardîyanan vejîyayo. Seba ke ê şîyî hewşî pê copan hêrişê înan ameyo kerdene. Leşê înan bîyo mor. Rixmo ke kamerayî zî estê wexto ke kênaya mi şîya gerrayê gardîyanan bikera mudirê zîndanî a sûcdar kerda û vatişê kênaya mi peygoş kerdê.''