Fermandara Qerargehê Mezkezî ya YJA-Starî Zozaze Çewlik tewra bernameyê Stêrk TVyî bîye çalakîya fedayî ya Zîlane, xoverdayîş û têkoşînê gerîlayan ercnayî. Qiseykerdişê Zozane Çewlik ra beşêk wina yo:

''1996 de vera têgêrayîşê ma, partîya ma, Rayberîye tehlukeyê pîlî estbîyî. Embaze Zîlane pê çalakîya xo morê xo da binê tarîxê têkoşînî. Aye rayberîya proesesî kerde. Çalakîya embaze Zîlane mîyanê kurdan de prosesêko newe da destpêkerdene.

6ê gulana 1996î de vera Rayberê Şarê Kurdî Abdullah Ocalanî suîkast ame kerdene. Komplogeran waştêne Rayberîye werte ra wedarê. Embaze Zîlane pê ney hesîyaye û tewirêk mojna.  Zîlane vera tehlukeyan bîye ertal. Çalakîya embaze Zîlane mîyanê gerîlayan de metodê neweyî yê çalakîye afernayî. Seke mektuba xo de zî vat embaze Zîlane seba têkoşînê azadîye yê cinîyan bîye mîsal.

Planê tasfîye ewro zî dewam kenê. 23ê nîsane de dişmenî hêrişê Zap, Metîna û Avaşînî kerd. Gerîlayî nê hêrişan de xoverdayîşê pîlî kenê. Dewleta tirke şexsê PKKyî de wazena kurdan parçe bikera û sîyasetê çinkerdişî bîyara ca. La 2 mengî yo ê teng bîyî, ser nêkewtî. Embaze Zîlane bi sereyê xo pê çalakîya xo tesîrêko pîl kerd. Nika zî ma sey cinîyan pê ruhê Apoyî û mîrasê tradîsyonê xoverdayîşî yê Zîlanan têkoşîn kenê. Vera dişmenî ne pê tan û topî la pê ruhê Apogîrî ma do ser bikewê.

Têgêrayîşê azadîye yê cinîyan hêzê xo cuya azade ra gênê. Ewro pê fikrê Rayber Apouî û rayberîya embaze Zîlane de tarîxê azadîye newe ra nusîyeno. Ewro hêzê ma YJA-Starî pêro waran de têkoşînêkê pîlî kenê. Ma wayîrê mîrasê xoverdayîşî yê, sey embaze Zîlane fermandarê ma estê. Ewro Cengê Heftanînî ra heta Avaşîn, Amed, Besta û Zapî rayberîya embazan ê cinîyan de xoverdayîşêko pîl esto.

Wa kurdî bizanê ke nika konseptê îmha esto, verê ma de îmkanî û tehlukeyî zaf estê. Ewro seba tasfîyeya têgêrayîşê ma hêrişê pîlî yenê kerdene. Xeylêk waran de seba astengkerdişê konseptê tasfîye çalakîyê pîlî yenê kerdene. La nê çalakîyî qîm nêkenê. Dişmen pê pêro hêzê xo kewt şer ganî ma zî pê ruhê şorişgêrî xo ver bidê. Xeylêk embazê ma yê ciwanî nika cepheyan de şer kenê û şehîd benê. Ganî şarê ma wayîrê nê xoverdayîşî, wayîrê nê ciwanan û nê mîrasî vejîyo.

Ganî her kes vera îşxalî tewirê xo nîşan bikero. Bi taybetî ciwanê kurdî ganî kayanê dişmenî pûç bikerê. Wayîrvejîyayîşê waranê gerîlayan wayîrvejîyayîşê nasnameyê kurdayetî yo. Ganî şarê ma wayîrê bedelanê xo vejîyo.''