Fermandara Qerargehê Merkezî yê YJA-Starî Zozane Çewlik hêrişanê îşxalî yê dewleta tirke û xoverdayîşê gerîlayan ser o ANFyî rê qisey kerd. Zozane Çewlik verî şexsê şehîdanê menga gulane de pêro şehîdê têkoşînê azadîye yad kerdî, xoverdayîşê zîndanan selam kerd. 

Qiseykerdişê Zozane Çewlik ra beşêk wina yo:

''Ma Garê ra dima cara amadekarîya xo kerdbi, ma hêrişê winasênî pawitêne. Ma dî ke ma şaş nîyê, 23-24ê nîsane de vera waranê Zap, Metîna û Avaşînî hêrişê îşxalî ameyî kerdene.Semedo ke ma netîce bigêrê , derbanê giranan bidê dişmenî ro Hemleyê Şorişgêrî yê Bazanê Zagrosî û Cengê Xaburî dayî destpêkerdene. Pê nê hemleyan gerîlayî pê metodanê hêriş, sûîkast, sereştişê kozikam û sabotahî rayîr nêdanê îşxalkeran.

Dişmen wexto ke vera nê xoverdayîşî teng bi muracatê metodan ê gemarinan kerd. Wezîrê Pawitişî Hulusî Akarî pê vateyê 'teknîkê zaf taybetî' ferman da leşkeranê xo ke vera gerîlayanê ma gazê kîmyewî bişixulîyê. Warê Mamreşoyî de heta 12ê gulane rayberîya embaz Serhat Giravî xoverdayîşêko bêhempa ame kerdene û destûr nêdîya ke dişmen xo biresno tunelan. Dişmenî dî ke Kurdîstan de ters û merg ameyî kiştene.

Çêrîya 7 gerîlayanê ke vera bi hezaran leşkeran, teyarayanê şerî û keşfî xo ver da bîye mîsalê erjanê neweyan. A raşte Cengê Heftanînî de dewrî pê Esmere, Zelale û Rusteman çêrê xo afernayî. Garê de no ruh zêdêr bêhempa bi. Nika zî Sarya, Rûken, Delale û Vîyanan reyde ver bi serkewtişî şino. Her xoverdayîş yeno manaya hîkayeyêka efsanewî ya çêre. Her hêriş zî xurtbîyayîşê bira xoverdayîş û serkewtişî yo. YJA-Star nê tradîsyonê xoverdayîş û çêrîye ser o awan bî.

Nê hêrişî hêrişê îşxalî yê, qirkerdiş ê. Qirkerdişê komelî, qirkerdişê cinîyan o. Koordînasyonê ma yê KJKyî nê polîtîkayanê qirkerdişî verî ra zaneno û coka Hemleya 'Wextê Cinîya Azade' daye destpêkerdene. Gerîlayê YJA-Starî stratejîk ê. Ma pê çalakîyanê xoseran tewrê hemle benê. Ma do çalakîyanê xurtêr û hîrayêran bikerê.

Şerê şarî yo şorişgêr bi her hawayî dewam keno. Hînî sebr nêmendo. Bi taybetî ganî cinîyî xopawitişê xo aver berê, rêxistin bikerê û heqanê xo bipawê. Ciwanî zî ganî pê ruhê serferberîye tewrê hemle bibê û wayîrê erj, rûmet û mesuldarîyanê xo vejîyê.

Nê wextî de hêzo bingeyî yo ke vera konseptê çinkerdişî û qirkerdişî yê dişmenî xo ver dano têgêrayîşê ma yo ke gerîlatîya modernîteya demokratîke afernaye. Coka nê hêrişî hînî do bi giranî dewam bikerê. Coka ganî şarê ma wurzo payan ser û her ca bikero warê şerî. Roje roja wayîrvejîyayîşê rûmetê xo yo! Ma do pîya Kurdîstan bikerê goristanê faşîzmî Şerwan û fermandarê YJA-Starî pê perwerîya xo ya bi azadîye şer bikerê û qet rayîr nêdê îşxalî. Qet yew hêriş do nêeşko ma vindarno. Qetî ma do ser bikewê.''