Merkezê Îrtîbatî û Çapemenîye yê QSDyî bi eşkerayîyêke da zanayene ke di şerwanê înan Dêra Zorê de şehîd bîyê.

QSDyî vat: ''Bajarekê Mergede yê Dêra Zorê de 21ê teşrîna verêne de, şerwanê ma Kawa (Mihemed Kerîm El Elo) û Qeyser (Mehmûd Yûsif El Mihemed) wexto ke serê erkê xo de bîyê, şehîd bîyî. Nê wird embazê ma zî hemleyanê vera DAÎŞî de bi hawayêkê aktîfî têgêrayî û înan bi îradeyê xo xoverdayîşêko heybetîn mojna. Ma keyeyanê şehîdan rê serweşîye wazenê. Ma soz danê ke Rojawan de aramî û asayîş mende bikerê.''