Îdareyê Xoserî yê Rojawanî eşkera kerd ke 29 endamê Hêzanê Têkoşînê bi Madeyê Kundoxî şehîd bîyî û  şînê neteweyî yê hîrê rojan îlan kerd.

Eşkerayîye wina ya:

“Hêrişê dewleta tirke ya faşiste yê vera herême bi serran o dewam kenê. Armancê nê hêrişan o yo ke hûzûrê herême bêro xeripnayene û verê  têkoşînê şar û hêzanê leşkerî yê vera terorî bêro girewtene. 8ê teşrîna verêne de Dêrik û Rimêlan de verê Akademîya Têkoşînê bi Medayê Kundoxî zî tede vera xeylêk nûqtayan hêriş ame kerdene. Na akedemî seba ke komelî madeyê kundoxî ra bixelisno 24 saet falîyet rayra berdêne. Projeyê citkarî yê Dirêsiyê zî tede xeylêk warê petrolî û warê sîvîlan dîyayî bombayan ver. Hêrişan de xeylêk xebatkarî birîndar bîyî.

Hêrişanê vizêr û ewroyî de 29 endamê Hêzanê Têkoşînê bi Madeyê Kundoxî şehîd bîyî û 28 endam zî birîndar bîyî ke rewşa tayînan giran a. No hêrişo dişmenkî wextê bêvengîya mîyanneteweyî ya vera hêrişanê dewleta tirke yê serê herêma ma ame kerdene. Ma verî zî vatbi eke na bêvengîye dewam bikero dewleta tirke do zafêr qirkerdişan bikero. Qewimîyayîşê bîn şewe mojnenê ke ma heqdar ê. Na bêvengîye û îxmal zextê rejîmê faşîstî zêdîneno. Ganî rayapêroyîye  vera hêrişanê vera şar û herêma ma bi berpirsîyarîya ehleqîye nêzdî bibo.

Ma hêrişanê dewleta tirke yê ke verê çimanê pêro dinya de yenê kerdene, şermezar kenê. Ma wazenê bale binace ser ke bêvenîya mîyanneteweyî paştî dana hêrişanê dewleta tirke. Ganî vera nê hêrişan tewiro mîyanneteweyî yo eşkera bêro girewtene. Hêzanê ma û şarê ma vera DAÎŞî şer kerd, bi hezaran fedakarîye kerd û dinya DAÎŞî ra xelisnaye. La çi heyf ke wexto ke  şarê ma raştê hêrişê paştgeranê DAÎŞî ame komelê mîyanneteweyî têna seyr keno. Ma do pawitişê şar û destkewteyanê xo rê dewam bikerê. Ma do heqê xo yê xopawitişê meşrûyî girêdaye bimanê, îradeyê komelê xo vejê werte û israrê xo yê cuyeya birumete bidomnê.”