3 ciwanê ke Helebî ra şîbî Efrînî nînan ra xebere çin a
3 ciwanê ke taxa Eşrefîyê ya Helebî ra ver bi Efrînê îşxalkerdeyî kewtîbî rayîr nînan ra xeberêke nêna girewtene.
Rêxistina Heqanê Merdiman a Efrîn-Sûrîye dîyar kerd ke 3 ciwanî şewa dişemeyî (7ê nîsane) bi erebe taxa Eşrefîyê ya Helebî ra ver bi Efrînî kewtê rayîrî.
Ciwanî Dijwar Mecîd Zênel û Ehmed Idrîs Zênel Cindirêsî ra yê, ciwano bîn zî ereb o.
Keyeyanê ciwanan Asayîşê Pêroyî û Hêzanê Asayîşê Zereyî rê pare kerd ke ciwanî vinîbîyaye yê. Rêxistina Heqanê Merdiman a Efrîn-Sûrîye venga terefanê eleqedaran da ke wa xîretanê xo bizêdînê û ciwanan bivînê.
