Têgêrayîşê Komelê Demokratîkî (TEV-DEM) bi eşkerayîyêke pare kerd ke 9ê teşrîna verêne de hêrişê dewleta tirke ya îşxalkere yê vera Şehba de hîrê endamê ci şehîd bîyê.

Eşkerayîye de ame parekerdene ke hêrişê dewleta tirke yê vera herême dewam kenê û wina ame vatene: ''Hîrê endamê ma yê ke vera îşxalî têgêrayêne hêrişanê gemarinan de şehîd bîyî.

Embaza ma Zelale Efrîn her warê Şorişê Rojawanî de cagirewt û Şorişê Rojawanî ra dima mîyanê TEV-DEMî de cagirewt. Embazê ma Mazlum Antepî yewîya kurdan temsîl kerde û ey Şehba de koçberan reyde dej û şayîyê înan pare kerdî. Embazê ma Alaf Murafî sey ciwanêkî rol û mesuldarîyê xo ardî ca. 

Ma şehîdanê xo û şerwananê xo selam kenê. Ma pêro dezgeh û dewletanê ke verê hêrişanê dewleta tirke de bêveng ê, şermezar kenê. Ma venga pêro kesan danê ke vera faşîzmê Tirkîya vinderê. Heta komelêkê têdûşt û azadî têkoşînê ma do dewam bikero.''